Isang Banal at Mapagkakatiwalaang Kasulatan

Muling sumulat si Lucas sa isang marangal na tao na nagngangalang Teofilo bilang pagpapatuloy ng kaniyang unang isinulat na kilala bilang Ebanghelyo na ayon kay Lucas. Ito ang pagpapatuloy ng mga ginawa at itinuro ng Panginoong Hesus sa panahon ng Kanyang ministeryo dito sa lupa. Binanggit niya ang muling pagkabuhay ni Hesu-Cristo bilang matibay na patunay ng Kaharian ng Diyos at siyang pundasyon ng lahat ng susunod na isinulat sa Aklat ng Mga Gawa. Ipinakilala rin ng may-akda ang Banal na Espiritu, ang Siyang nagpapatuloy ng gawain at nagdudulot ng paglago sa iglesia.