Lucas 10:25-37
Sinubok ng isang dalubhasa sa Kautusan si Hesus sa pamamagitan ng pagtatanong sa Kanya, “Ano ang dapat kong gawin upang makamit ang buhay na walang hanggan?” Ngunit, wala siyang kamalay-malay na ang tanong na ito ay nagbubunyag ng kanyang sariling kamangmangan sa kung ano ang ibig sabihin ng Salita ng Diyos, habang ginagamit ni Kristo ang pagkakataong ito upang ituro sa kanya kung ano nga ba ang kahulugan ng tunay na pag-ibig sa Diyos at, sa pamamagitan ng isang talinghaga, kung ano nga ba ang tunay na pag-ibig sa kanyang kapwa.