Pinagkalooban ng Kapangyarihan upang Maging mga Saksi ni Cristo

Ipinangako ni Hesus sa Kanyang mga alagad na tatanggap sila ng kapangyarihan kapag dumating sa kanila ang Espiritu Santo, at sila ay magiging Kanyang mga saksi sa Jerusalem, sa buong Judea at Samaria, at hanggang sa kadulu-duluhang bahagi ng daigdig. Habang umaakyat sa langit si Hesus, dalawang anghel ang nagpakita at nagpaalala sa mga alagad na Siya ay muling babalik gaya rin ng Kanyang pagpunta sa langit. Pagkatapos nito, bumalik ang mga alagad sa Jerusalem, at sama-samang itinalaga ang kanilang sarili para sa pananalangin habang naghihintay sa pagdating ng Espiritu Santo.